غزل ٨

شام کی میکشی میں کیا کچھ تھا،
شیر سی چاندنی میں کیا کچھ تھا!

ایک میں تھا، چھلکتا جام بھی تھا،
اس گھڑی زندگی میں کیا کچھ تھا،

اسکو دیکھا، جہاں میں میں بھی نہ تھا،
یا خدا! بے خودی میں کیا کچھ تھا،

میرا دل اور خرامِ نازِ تو تھے،
عشق کی سادگی میں کیا کچھ تھا،

پوچھو بستر کے سلوٹوں سے مرے،
راتوں کی بے حسی میں کیا کچھ تھا،

خارِ راہِ سفر ہی جانتے ہیں،
میری واماندگی میں کیا کچھ تھا!

اسکی رعنائیاں، سبحان اللہ!
عہدِ وارفتگی میں کیا کچھ تھا،

سرخیِ لب تھی اسکی، ہائے ہائے!
چشم کی سادگی میں کیا کچھ تھا،

سب گئے ناصر و ساغر جہاں کے،
باتوں کی پختگی میں کیا کچھ تھا،

راز جالب سا سناءے نہ کوئی،
حرفوں کی سادگی میں کیا کچھ تھا،

چھوڑے بس وعدہ فردا مرے پاس،
ہائے! درماندگی میں کیا کچھ تھا،

زندہ ہوں، پر نہ جانوں زندگی کیا،
یار کی زندگی میں کیا کچھ تھا،

ہر صدا چاپ سا لگے تھا ترا،
دل کی ناسودگی میں کیا کچھ تھا،

ایک لو تھی برائے شمعِ نظر،
ورنہ آشفتگی میں کیا کچھ تھا؟

سرد آہیں تھے، بے قرار تھا دل،
عشق کی تشنگی میں کیا کچھ تھا،

اک گھڑی رک کے چلو تم بھی ظریف،
یوں تری زندگی میں کیا کچھ تھا؟

Ghazal 8:

Shaam ki maikashi mein kya kuch tha,
Sheer si chaandni mein kya kuch tha,

Ek mein tha, chalakta jaam bhi tha,
Us ghadi zindagi mein kya kuch tha,

Usko dekha, jahaan mein mein bhi na tha,
Ya khuda! Bekhudi mein kya kuch tha,

Mera dil, aur khiraam e naaz e to the,
Ishq ki saadgi mein kya kuch tha,

Poocho bistar ke silwaton se mire,
Raaton ki behisi mein kya kuch tha,

Khaar e raah e safar hi jaante hain,
Meri waamandgi mein kya kuch tha,

Uski ra'anaiyaan, subhan Allah!
Ehd e waaraftgi mein kya kuch tha,

Surkhi e lab thi uski, haaye haaye!
Chashm ki saadgi mein kya kuch tha,

Sab gaye 'Naasir' o 'Saaghar' jahaan ke,
Baaton ki pukhtgi mein kya kuch tha,

Raaz 'Jaalib' sa sunaaye na koi,
Harfon ki saadgi mein kya kuch tha,

Chhode bas waada e farda mire paas,
Haaye! Darmaandgi mein kya kuch tha,

Zinda hoon, par na jaanun zindagi kya,
Yaar ki zindagi mein kya kuch tha,

Har sada chaap sa lage tha tira,
Dil ki naa soodgi mein kya kuch tha,

Ek lau thi bara e sham' e nazar,
Warna aashuftgi mein kya kuch tha?

Sard aahein the, be qaraar tha dil,
Ishq ki tishnagi mein kya kuch tha,

Ik ghadi ruk ke chalo tum bhi 'Zareef',
Yoon tiri zindagi mein kya kuch tha?